म्यानचेस्टर युनाइटेड र साउथह्याम्टनले बराबरी खेलेका छन्।
साउथह्याम्टनको घरेलु मैदान सेन्ट मेरिज स्टेडियममा आइतबार राति युनाइटेड र साउथह्याम्टनले १-१ गोलको बराबरी खेलेका हुन्।
खेलको ३०औं मिनेटमा साउथ ह्याम्टनले आत्मघाती गोलबाट अग्रता लिएको थियो। चे एडाम्सको प्रहार फ्रेडलाई डिफ्लेक्ट हुँदै गोलमा परिणत भएपछि पहिलो हाफमा घरेलु टोलीले अग्रता लिएको थियो।
खेलको ५५औं मिनेटमा ग्रीनवुडले गोल गर्दै खेललाई १–१ गोलको बराबरीमा ल्याए। पल पोग्वाको पासमा गोल गर्दै एक गोलले पछि परेको अवस्थामा गोल गर्दै युनाइटेडलाई हारबाट जोगाए।
यो बराबरीसँगै म्यानचेस्टरको २ खेलबाट ४ अंक पुगेको छ। पहिलो अंक जोडेको साउथह्याम्टनको दुई खेलबाट १ अंक छ।
