चेल्सीले रेलिगेशन जोनमा रहेको बर्नलीसँग बराबरी खेलेको छ।
इङ्लिस प्रिमियर लिग अन्तर्गत शनिबार चेल्सीले रेलिगेशन जोनबाट माथि उठ्न प्रयास गरिरहेको बर्नलीसँग १–१ गोलको बराबरी खेल्दै लिग लिडर चेल्सीले अंक बाँडेको हो।
बराबरीको नतिजापछि चेल्सीले दोस्रो स्थानको म्यानचेस्टर सिटी र तेस्रो स्थानको लिभरपुलसँग अंक दुरी बढाउने मौका गुमाएको छ।
खेलको ३३ औं मिनेटमा काइ हभार्ट्जले गोल गर्दै चेल्सीलाई सुरुवाती अग्रता दिलाएका थिए।
पाहुना टोलीका भिड्राले खेलको ७९ औं मिनेटमा गोल गर्दै लिग लिडर क्लबसँग अंक खोस्न सफल भयो।
खेलमा चेल्सीले गोल गर्ने केही राम्रा अवसर खेर फालेको थियो।
बराबरीको नतिजापछि पनि चेल्सीले दोस्रो स्थानको म्यानचेस्टर सिटीसँग स्पष्ट ३ अंकको अग्रता लिएको छ। बर्नली रेलिगेशन जोनभन्दा अझै २ अंकले पछि छ।
