इङ्ग्लिस प्रिमियर लिग अन्तर्गत वेस्टह्याम युनाइटेडले लिभरपुललाई हराएको छ। गएराती सम्पन्न खेलमा वेस्टह्यामले लिभरपुललाई ३-२ गोल अन्तरमा हराउँदै तेस्रो स्थानमा उक्लिएको छ।
वेस्टह्यामको जितमा पाब्लो फोर्नल्स र कुर्ट जोउमाले एक/एक गोल गरेका थिए भने एक गोल लिभरपुलका गोलकिपर एलिसन बेकरले आत्मघाती गोल गरेका थिए।
त्यस्तै लिभरपुलका लागि ट्रेन्ट एलेक्जेन्डर अर्नाल्ड र डिभोक ओरिगीले एक/एक गोल फर्काए पनि हार टार्न सकेनन्।
लिगमा पहिलो हार व्यहोरेको लिभरपुलले दोस्रो स्थानमा उक्लने मौकासमेत गुमायो। ११ खेल खेलेको लिभरपुलले ६ जित, ४ बराबर र १ हार गरि २२ अंकसहित तालिकाको चौथो स्थानमा झरेको छ।
लिभरपुलमाथि जित हात पारेको वेस्टह्याम ११ खेलमा ७ जित, २ बराबरी र २ हारसहित २३ अंक जोड्दै तेस्रो स्थानमा उक्लिएको हो। वेस्टह्यामले दोस्रो स्थानमा रहेको म्यानचेस्टर सिटीसँग अंक बराबरी गरेको छ।
