टोटेनहम हट्सपरले इंग्लिस प्रिमियर लिग अन्तर्गत घरेलु मैदानमा लिड्स युनाइटेडमाथि २-१ को पुनरागमन जित निकालेको छ।
खेलको ४४ औं मिनेटमा गोल गर्दै लिड्सलाई सुरूआती अग्रता दिलाएका थिए।
पहिलो हाफमा १-० ले पछि परेको टोटेनहमले दोस्रो हाफमा २ गोल गर्दै जित हासिल गरेको हो।
खेलको ५८ औं मिनेटमा पिएर एमिल होएबिएरले गोल गर्दै खेललाई बराबरीमा ल्याए। खेलको ६९ औं मिनेटमा सर्जियो रेगुइलोनले गोल गर्दै टोटनहमको अग्रता २-१ मा पुर्याए। यसपछि खेलमा थप गोल हुन नसक्दा टोटनह्यामले पुनरागमन जित पक्का गरेको हो।
यो सँगै टोटेनह्याम १२ खेलमा ६ जित, १ बराबरी र ५ हारसँगै १९ अंक जोड्दै अंक तालिकाको सातौं स्थानमा उक्लिएको छ। लिड्स १२ खेलमा २ जित, ५ बराबरी र ५ हारसँगै ११ अंकसहित १७ औं स्थानमा कायमै छ। शीर्ष स्थानमा रहेको चेल्सीले २९ अंक जोडेको छ। दोस्रो स्थानमा सिटीको २६ अंक भएको छ।
