रियल म्याड्रिडले स्पेनिस ला लिगा फुटबलमा अग्रता बढाउँदै लगेको छ। बुधबार राति भएको खेलमा रियलले एट्लेटिको बिलबाओलाई १-० ले पराजित गर्दै दोस्रो स्थानको एट्लेटिको म्याड्रिडसँगको अंक दुरी ७ बनाएको छ।
घरेलु मैदानमा रियललाई जिताउन करिम बेन्जामाले निर्णायक गोल गरे। बेन्जामाले पहिलो हाफको ४० औं मिनेटमा लुका मोड्रिचको पासलाई सदुपयोग गर्दै गोल गरेका थिए। दोस्रो हाफमा अग्रता जोगाउँदै रियलले महत्वपुर्ण तीन अंक जोडेको हो।
भ्रमणकारी टोलि बिलबाओले अन्तिम सम्मम गोलका प्रयास गरेपनि बराबरी गर्न असफल भयो।
जितसँगै स्पेनिस लालिगामा १५ खेल खेलेको रियलको ११ जित ३ बराबरी र १ हार सहित ३६ अंक भएको छ। त्यस्तै दोस्रो स्थानको एट्लेटिको म्याड्रिडको १४ खेलबाट २९ अंक हुँदा रियल सोसिडाडको पनि १५ खेलबाट २९ अंकनै रहको छ। त्यस्तै चौंथो स्थानमा सेभिल्ला रहेको छ।
पछिल्लो ६ खेलमा जितविहिन बिलबाओ २० अंकसहित आठौं स्थानमा छ।
