इङलिश प्रिमियर लिग अन्तर्गत टोटनह्यामले ब्रेन्टफोर्डलाई हराउँदै छैठौं स्थानमा उक्लिएको छ। गएराति सम्पन्न खेलमा टोटनह्यामले ब्रेन्टफोर्डलाई २-० गोल अन्तरले हराएको हो।
टोटनह्यामको जितमा सन हेंग मिनले एक गोल गरेका थिए भने एक गोल ब्रेन्टफोर्डका सेर्गी कानोसले आत्मघाती गोल गरेका थिए ।
घरेलु मैदानमा टोटेनहमले आत्मघाती गोलबाट सुरूआती अग्रता लिएको थियो। खेलको १२ औं मिनेटमा कानोसले आत्मघाती गोल गरेपछि पहिलो हाफमा टोटेनहम १-० ले अघि रह्यो।
खेलको ६५ औं मिनेटमा सन ह्युङ मिनले गोल गर्दै टोटेनहमलाई २-० को स्प्ष्ट जित दिलाए।
यो जितपछि टोटनह्यामको १३ खेलमा २२ अंक भएको छ र लिगमा छैटौ स्थानमा उक्लिएको छ ।
पराजित ब्रेन्टफोर्डको १४ खेलमा १६ अंक सहित लिगको १२औं स्थानमा छ।
लिगमा ३३ अंकसहित चेल्सी शीर्ष स्थानमा कायमै छ। दोस्रो स्थानमा रहेको म्यान्चेष्ट सिटीको ३२ र तेस्रो स्थानमा रहेको लिभरपुलको ३१ अंक छ।
