मोहम्मद सलाहको निर्णायक गोलमा लिभरपुलले एस्टन भिल्लामाथि संघर्षपूर्ण जित निकालेको छ ।
घरेलु मैदानमा भिल्लालाई १–० ले हराउँदै लिभरपुल तालिकाको दोस्रो स्थानमा कायमै छ। लिभरपुलको जितमा मोहम्मद सलाहले निर्णायक गोल गरे। उनले दोस्रो हाफको ६७ औं मिनेटमा पेनाल्टीमार्फत गोल गरे।
यो जितसँगै लिभरपुल दोस्रो स्थानमा यथावत रहँदा शीर्षस्थानको म्यानचेस्टर सिटीमाथि दवाव बढाएको छ। लिभरपुलको १६ खेलबाट ३७ तथा शीर्षस्थानको सिटीको ३८ अंक छ। तेस्रो स्थानको चेल्सीको ३६ अंक छ। पराजित एस्टन भिल्ला १९ अंक जोडेर १२औं स्थानमा रहेको छ।
