बायर्न म्युनिखले उत्कृष्ट पुनरागमन जित निकालेको छ । शनिबार राति भएको खेलमा बायर्नले जर्मन बुन्डेसलिगा फुटबलमा मैन्जलाई २-१ गोल अन्तरमा हराउँदै शीर्ष स्थानमा कायमै रहेको छ।
घरेलु मैदानमा बायर्नले एक गोलको अग्रता उल्टाएर जित निकालेको हो।
खेलको २२ औं मिनेटमा करिम ओनिसिवोले गोल गर्दै मैन्जलाई सुरूआती अग्रता दिलाएका थिए। पहिलो हाफमा १-० ले पछि परेको बायर्नका लागि दोस्रो हाफको ५३ औं मिनेटमा किंग्सले कोम्यानले गोल गर्दै खेललाई १-१ गोलको बराबरीमा फर्काए ।
त्यसपछि खेलको ७४ औं मिनेटमा जमल मुसिआलाले गोल गर्दै बायर्नलाई २-१ को जित दिलाए ।
जितसँगै बायर्नले १५ खेलमा ३७ अंक जोडेको छ। शीर्ष स्थानमा रहेको बायर्नले दोस्रो स्थानको डर्टमुन्डसँग ६ अंकको अग्रता बनाएको छ।
पराजित मैन्ज १५ खेलमा २१ अंक जोड्दै आठौं स्थानमा कायमै छ।
