इंग्लिस प्रिमियर लिग फुटबलमा सहज जित निकाल्दै आर्सनल छैठौं स्थानमा उक्लिएको छ। शनिबार राति भएको खेलमा साउथ ह्याम्पटनलाई ३-० गोल अन्तरले हराउँदै आर्सनलले उत्कृष्ट जित निकालेको हो।
घरेलु मैदानमा खेलको २१ औं मिनेटमा एलेक्जेन्डर लाकाजेट्टीले गोल गर्दै आर्सनललाई सुरूआती अग्रता दिलाएका थिए।
मार्टिन ओडेगार्डले २७ औं मिनेटमा गोल गर्दै आर्सनलको अग्रता दोब्बर पारे।
पहिलो हाफमा २-० ले अघि रहेको आर्सनलका लागि खेलको ६२ औं मिनेटमा गाब्रियलले गोल गर्दै अग्रता तेब्बर पारे।
त्यसपछि खेलमा कुनै गोल भएन र खेल आर्सनलले ३-० ले जित्यो।
यो जितसँगै आर्सनलले १६ खेलमा २६ अंक जोडेको छ। आर्सनल लिगको छैठौं स्थानमा छ ।
साउथह्याम्पटन १६ अंक जोडेर १६ औं स्थानमा रहेको छ ।
