युभेन्ट्सले इटालियन सिरी ‘ए’ मा बोलोग्नामाथि रोमाञ्चक जित निकालेको छ।
युभेन्ट्सले बोलोग्नालाई उसकै मैदानमा २–० ले पराजित गरेको हो। युभेन्टसको जितमा जुआन कोर्डाडो र अल्भारो मोराटाले गोल गरे।
खेलको छैठौं मिनेटमा मोराटाले गोल गर्दै युभेन्ट्सलाई सुरुआती अग्रता दिलाए।
पहिलो हाफसम्म १-० ले अघि रहेको युभेन्टसले दोस्रो हाफमा थप एक गोल गर्दै जित निश्चित गर्यो। उसका लागि ६९ औं मिनेटमा कोर्डाडोले गोल गरे।
यो जितसँगै युभेन्ट्स १८ खेलबाट ३१ अंक जोडेर छैठौं स्थानमा उक्लिएको छ। पराजित बोलोग्ना २४ अंक जोडेर १०औं स्थानमा रहेको छ ।
