स्पेनिस कोपा डेल रे फुटबलमा रियल म्याड्रिडले सहज जित निकालेको छ। बुधबार राति भएको खेलमा रियल मड्रिडले अवे मैदानमा अल्कोयानोलाई ३–१ ले हराएको हो।
रियल मड्रिडको जितमा मिलिताओ र एसेन्सिओले गोल गरे। थप गोल घरेलु टोलीले उपहार दिएको थियो।
अल्कोयानोको मैदानमा खेलको ३९ औं मिनेटमा मिलिताओले गोल गर्दै रियललाई पहिलो हाफमा १-० को अग्रता दिलाए।
दोस्रो हाफमा थप आक्रमक बनेको रियलले २ गोल थप्दा अल्कोयानोले १ गोल गर्यो।
खेलको ६६ औं मिनेटमा अल्कोयानोका लागि भेगाले गोल गर्दै खेललाई १-१ को बराबरीमा ल्याए।
तर खेलको ७६ औँ मिनेटमा एसेन्सिओले गोल गर्दै रियललाई पुनः अग्रता दिलाए। ७८ औं मिनेटमा अल्कोयानोका फिगुएरासले आत्मघाती गोल गरेपछि घरेलु टोली ३-१ ले पछि पर्यो।
रियलले दोस्रो श्रेणीको एल्कोयानोलाई ३–१ ले पराजित गर्दै अन्तिम १६ मा स्थान पक्का गरेको हो ।
यो सँगै रियलले गत वर्ष यही राउन्डमा भोगेको हारको बदलासमेत लिन सफल भएको छ । रियल गत वर्ष २–१ ले स्तब्ध हुँदै बाहिरिएको थियो ।
