जर्मन बुन्डेसलिगाको शीर्षस्थानमा रहेको बायर्न म्युनिखले घरेलु मैदानमै हार बेहोरेको छ। सुरूवाती अग्रता जोगाउन नसक्दा बायर्नले बोरूसिया मोन्चेनग्लाडवाकसँग २–१ ले पराजित भएको हो।
एलिएन्ज एरिनामा शुक्रबार राति भएको खेलमा घरेलु टोलीका लागि रोबर्ट लेवान्डोस्कीले गोल गरेका थिए। पाहुना टोलीका लागि बोरूसिया मोन्चेनग्लाडवाकका फ्लोरियल नेउहस र स्टेफन लेइनरले गोल गरे ।
बोरूसिया मोन्चेनग्लाडवाकले बायर्नसँगको अपराजित यात्रा चौथो खेलसम्म लम्ब्याउन सफल भयो । ८ मे २०२१ मा ६–० ले पराजित भएयता मोन्चेनग्लाडवाकले हार बेहोरेको छैन । जसमा तीन जित र एक बराबरीको नतिजा छ ।
हारपछि बायर्न शीर्षस्थानमा यथावत रहे पनि अंक दुरी बढाउनबाट चुक्यो। यद्यपी ९ अंकको अग्रता कायमै राखेको छ। बायर्नको १८ खेलबाट ४३ अंक पुगेको छ। एक खेल कम खेलेको दोस्रो स्थानमा रहेको बोरूसिया डर्टमुन्डको ३४ अंक छ। बायर्नलाई हराएको मोन्चेनग्लाडवाक २२ अंक जोडेर ११औं स्थानमा छ।
