इंग्लिस प्रिमियर लिग क्लब टोटेनह्याम एफए कप फुटबलको चौथो चरणमा प्रवेश गरेको छ।
गएराती सुरूवातमा पछि परेको अवस्था उल्टाउँदै मोरेकाम्बेमाथि ३-१ को सानदार पुनरागमन जित निकाल्दै टोटेनह्यामले चौंथो चरणमा स्थान पक्का गर्यो।
टोटेनह्यामको जितमा तीनै गोल दोस्रो हाफमा सम्भव भएको थियो।
पहिलो हाफमा मोरेकाम्बेसँग १-० ले पछि परेको अवस्था उल्ट्याउँदै टोटेह्यामले दोस्रो हाफको १४ मिनेट भित्र तीन गोल फर्काउँदै सानदार जित निकाल्यो।
खेलको ३३ औं मिनेटमा ओकोनरको गोलमार्फत मोरेकाम्बेले सुरूवाती अग्रता लिएको थियो। तर उसले दोस्रो हाफको अन्तिम १६ मिनेट अग्रता जोगाउन सकेन।
हेरि विन्कसले खेलको ७४ औं मिनेटमा गोल गर्दै टोटेनह्यामलाई बराबरीमा ल्याए। त्यसको १० मिनेट नबित्दै लुका मौउराले टोटेनह्यामलाई अग्रता दिलाए।
टीमका लागि तेस्रो गोल हेरी केनले निर्धारित समय सकिन २ मिनेट बाँकी हुँदा गरेका थिए। जितसँगै टोटेनह्याम एफएकपको चौंथो चरणमा प्रवेश गरेको छ।
