फ्रेन्च लिग फुटबल अन्तर्गत आइतबार राति भएको खेलमा शीर्ष स्थानको पेरिस सेन्ट जर्मेन (पिएसजी) हारबाट जोगिएको छ।
लिग वान अन्तर्गत गथए राती भएको खेलमा लियोन र पिएसजीले १–१ को बराबरी खेल्दै अंक बाँडेका हुन्।
खेलको सातौं मिनेटमा टोलेन्टिनो कोएल्हो डी लिमाले गोल गर्दै लियोनलाई सुरूआती अग्रता दिलाएका थिए।
तर घरेलु टोलीले अन्तिम १४ मिनेट अग्रता जोगाउन सकेन। पिएसजीका सप्टिच्युट खेलाडी केहरेरले गोल गर्दै पिएसजीलाई हारबाट जोगाए।
उनले ७६ औँ मिनेटमा मिचुतको पासमा बराबरी गोल गरेका हुन्। यो बराबरीपछि शीर्ष स्थानको पिएसजीको २० खेलबाट ४७ अंक भएको छ।
२५ अंक जोडेको लिओन ११ औं स्थानमा छ।
