रोबर्ट लेवान्डोस्कीको ह्याट्रिकमा जर्मन बुन्डेसलिगमा शीर्षस्थानमा रहेको बायर्न म्युनिखले सानदार जित हात पारेको छ।
घरेलु टोली कोल्नलाई ४–० को भारी अन्तरले हराउँदै बायर्नले शीर्ष स्थानमा ६ अंकको अग्रता बनाएको छ।
कोल्नमा शनिबार राति भएको खेलको नवौं मिनेटमा लेवान्डोस्कीको गोल गर्दै बायर्नलाई सुरूआती अग्रता दिलाए।
२५औं मिनेटमा कोरिन्टिन टोलिसोले गोल गर्दै बायर्नलाई पहिलो हाफमा २–० को अग्रता दिलाए।
दोस्रो हाफमा थप आक्रमक देखिएको बायर्नले २ गोल थप्दै सानदार जित निकाल्यो। खेलको ६२ औं मिनेटमा रोबर्ट लेवान्डोस्कीले गोल गर्दै अग्रता ३-० मा पुर्याए। ७४औं मिनेटमा लेवान्डोस्कीले ह्याट्रिक पूरा गर्दै बायर्नलाई फराकिलो जित दिलाए ।
जितसँगै शीर्षस्थानको बायर्नको १९ खेलबाट ४६ अंक पुगेको छ । बायर्नले शीर्षस्थानमा स्पष्ट ६ अंकको अग्रता लिन सफल भएको छ । दोस्रो स्थानको बोरुसिया डर्टमुन्डको ४० अंक छ । पराजित कोल्न २८ अंक जोडेर आठौं स्थानमा छ ।
