रियल म्याड्रिड कोपा डेल रेको क्वाटरफाइनलमा पुगेको छ। एल्चेमाथि २-१ को कठिन जित निकाल्दै रियल अन्तिम ८ मा पुगेको हो।
निर्धारित ९० मिनेट गोलरहित बराबरी भएको खेल अतिरिक्त समयमा धकेलिएको थियो।
अतिरिक्त समयको १०२ औं मिनेटमा मार्सेलो रातो कार्ड पाएर मैदान बाहिरिँदा रियल १० खेलाडीमा सिमित भएको थियो।
त्यसको प्रत्यक्ष फाइदा लगतै घरेलु टोली एल्चेले लियो। गोन्जालो भर्डुले १०३ औं मिनेटमा गोल गर्दै टोलीलाई अग्रता दिलाए। तर स्कोले १०८ औं मिनेटमा गोल गर्दै खेललाई पुनः बराबरीमा ल्याए।
त्यसपछि खेलको ११५ औं मिनेटमा इडेन हजार्डले गोल गर्दै रियललाई जित दिलाए।
अतिरिक्त समयको इन्जुरी समयमा एल्चे पनि १० खेलाडीमा सिमित भएको थियो। उसका मिला दोहोरो पहेँलो कार्ड पाएर मैदान बाहिरिएका थिए।
