इंग्लिस प्रिमियर लिग फुटबलमा दोस्रो स्थानमा रहेको लिभरपुलले सहज जित निकालेको छ । आइतबार राति क्रिस्टल प्यालेसलाई ३-१ गोल अन्तरले हराएको हो।
क्रिस्टल प्यालेसको मैदानमा लिभरपुलला२ जिताउन भिर्गिल भान डाइक, एलेक्स च्याम्बर्लिन र फाबिन्होले गोल गरे। प्यालेसका ओड्सोने इडवार्डले सान्तवना गोल फर्काए।
खेलको आठौं मिनेटमा भिर्गिल भान डाइकले गोल गर्दै लिभपुललाई सुरूआती अग्रता दिलाए। खेलको ३२ औं मिनेटमा एलेक्स च्याम्बर्लिनले गोल गर्दै लिभरपुललाई पहिलो हाफमा २-० को अग्रता दिलाए ।
दोस्रो हाफमा केही सुधारिएको खेल प्रस्तुत गरेको घरेलु टोलीले ५५ औं मिनेटमा ओड्सोने इडवार्डको गोलबाट खेललाई २-१ को स्थितिमा ल्यायो।
तर खेलको ८९ औं मिनेटमा फाबिन्होले गोल गर्दै लिभरपुललाई ३-१ को स्पष्ट जित दिलाए ।
जितसँगै तेस्रो स्थानमा कायमै रहेको लिभरपुलले २२ खेलमा ४८ अंक जोडेको छ। उ शीर्ष स्थानको म्यान्चेष्ट सिटीभन्दा ९ अंकले पछि छ। तेस्रो स्थानमा रहेको चेल्सी १ अंकले पछि छ।
यता लिभरपुलसँग पराजित क्रिस्टल प्यालेस २४ अंक जोडेर तालिकाको १३ औं स्थानमा यथावत छ।
