सहिद स्मारक ए डिभिजन लिगअन्तर्गत नेपाल पुलिस क्लब र च्यासल युथ क्लबबीचको खेल आगामी बुधबार हुने भएको छ।
यसअघि भोलि शनिबार हुने भनिएको खेल दशरथ रंगशालाको मैदान हिँलो भएको हुँदा बुधबारका लागि सारिएको हो।
अखिल नेपाल फुटबल संघ (एन्फा) ले यसअघि कोरोना कारण खेल स्थगित गरेको थियो।
नवौं चरणको यो खेल च्यासलका १९ खेलाडीलाई कोरोना भाइरसको संक्रमण देखिएपछि स्थगित गरिएको थियो। खेल बुधबार १ बजे दशरथ रंगशालामा हुनेछ।
लिगको नवौं चरणका खेल सकिदा साविक विजेता मछिन्द्र फुटबल क्लब २३ अंक जोड्दै शीर्ष स्थानमा छ। दोस्रो स्थानको मनाङ मर्स्याङदी क्लबको १९ अंक छ।
पुलिस ७ अंक जोड्दै एघारौं र च्यासल ५ अंक जोड्दै १३औं स्थानमा छन्।
