अखिल नेपाल फुटबल संघ (एन्फा) का अध्यक्षले प्रयोग गर्ने बा ८ च ६१७ नम्बरको टोयोटा फर्चुनरले स्कुटरलाई ठक्कर दिएको छ।
गाडीले आइतबार विहान सवा १० बजे गोगंबुमा स्कुटरलाई ठक्कर दिएको हो।
ठक्करबाट स्कुटर चालक २८ वर्षीया युवती घाइते भएकी छिन्। बागलुङ घर भएकी उनको दुवै खुट्टामा चोट लागेको ट्राफिक प्रहरीले जनाएको छ।
महानगरीय ट्राफिक प्रहरी महाशाखाका प्रहरी उपरीक्षक संजिवकुमार दासले चालकको नाम खुलिनसकेको बताए।
घाइतेको अहिले ग्रान्डी अस्पतालमा उपचार भइरहेको छ।
एन्फा अध्यक्ष कर्माछिरिङ शेर्पा भने अहिले भारतमा छन्। उनी भारतमा भएको बेला उनले प्रयोग गर्ने गाडी केन्द्रीय सदस्य दीर्घकुमार केसीले लिएर गएको एन्फा स्रोतको दाबी छ।
