रोमालाई हराउँदै इन्टर मिलान कोपा इटालियाको सेमिफाइनलमा प्रवेश गरेको छ। इन्टरले घरेलु मैदानमा सिरी ‘ए’ प्रतिद्धन्द्धी रोमालाई २–० ले हराउँदै अन्तिम चारमा स्थान पक्का गरेको हो ।
घरेलु मैदान मिलानोमा मंगलबार राति भएको क्वाटरफाइनलमा इन्टरलाई जिताउन इडेन जेको र एलेक्सिस सान्चेजले गोल गरे।
खेलको दोस्रो मिनेटमै जेकोको गोलबाट इन्टरले सुरूवाती अग्रता लिएको थियो। पहिलो हाफसम्म १-० ले अघि रहेको इन्टरले दोस्रो हाफमा थप १ गोल थप्यो।
खेलको ६८ औं मिनेटमा सान्चेजले गोल गर्दै टोलीको जित पक्का गरे।
