नेपाल सुपर लिग (एनएसल) फुटबल प्रतियोगिताको आगामी संस्करणका लागि तीन नयाँ टिम थप भएका छन्। यसअघि ७ टिम रहेकोमा अब थप ३ टिम गरी १० टिमबीच प्रतिस्पर्धा हुनेछ।
नयाँ टिममा झापा एफसी, स्पोर्टिङ इलाम डे मेची र वीरगन्ज युनाइटेड एफसी रहेका छन्।
झापाको टिम मालिकमा विक्रम थापा रहेका छन्। यस्तै इलामको टिम मालिकमा सुहान नेम्बाङ र पियुश न्यौपाने तथा वीरगन्जको टिम मालिकमा अरबिन्द्र अमात्य, अनिल गुप्ता र अरबिन्द बराल रहेका छन्।
यसअघि विराटनगर सिटी एफसी, काठमाडौं रेजर्स, ललितपुर सिटी एफसी, एफसी चितवन, पोखरा थन्डर्स, बुटवल लुम्बिनी एफसी र धनगढी एफसीले पहिलो संस्करणमा प्रतिस्पर्धा गरेका थिए।
दोस्रो संस्करणको प्रतियोगिता आगामी चैत अन्तिम सातादेखि हुने भनिएको छ।
नेपाल स्पोर्ट्स एन्ड एभेन्ट म्यानेजमेन्टको आयोजनामा हुने प्रतियोगिता आगामी चैत २६ गतेदेखि जेठ ७ गतेसम्म हुने बताइएको छ। प्रतियोगिता पोखरा र काठमाडौंमा हुने आयोजकले जनाएको छ।
1644756587.JPG)
