सहिद स्मारक बी डिभिजन लिगमा चर्च ब्वाइज युनाइटेडले जित हात पारेको छ।
बिहीबार भएको खेलमा चर्चले टुसाल युथ क्लबलाई ५-२ ले हरायो।
चर्चका लागि आशिष चापागाइँले ह्याट्रिक गरे। उनले खेलको ६, १७ र ३३ मिनेटमा गोल गरे।
विशाल राईले २१ मिनेटमा गोल गर्दा कुवेर न्यौपानेले ८६ मिनेटमा अर्को गोल गरे।
टुसालका लागि जिलेस्पीजंग कार्कीले ७२ र उत्तम शाहीले ८९ मिनेटमा गोल गरे।
अर्को खेलमा श्रीकुमारी र नयाँ बस्तीले २-२ गोलको बराबरी खेले।
श्रीकुमारीका लागि श्रीजनजंग गौतमले ४८ र निरबहादुर आलेले ८७ मिनेटमा गोल गरे।
नयाँ बस्तीका लागि अबय धिमालले २२ र सुमन योङ्गाले ६८ मिनेटमा गोल गरे।
