एन्फा लिग कमिटीको संयोजकबाट विज्ञानराज शर्माले राजीनामा दिएका छन्।
उनले केही वर्ष यता लिग कमिटीको संयोजक रहेको र गत वर्षदेखि नेपाल सुपर लिग (एनएसएल) टिम काठमाडौं रेजर्समा आबद्ध भएको उल्लेख गरेका छन्।
लिग कमिटीको संयोजक र काठमाडौं रेजर्सको निर्देशक एकैपटक हुँदा अप्ठ्यारा आउन सक्ने तथा दोहोरो जिम्मेवारीले नैतिकताको प्रश्न जोडिने भएकाले राजीनामा दिएको उनले उल्लेख गरेका छन्।
कर्माछिरिङ शेर्पाले अखिल नेपाल फुटबल संघ (एन्फा) को अध्यक्षमा जितेपछि साढे तीन वर्षअघि शर्माले लिग कमिटीको संयोजकको जिम्मेवारी पाएका थिए।
तर गत वर्ष उनी एनएसएल टिम काठमाडौं रेजर्समा आबद्ध भएपछि कतिपयले आलोचना गरेका थिए।
यो पनि :- नेपाल सुपर लिग र ए डिभिजन क्लबबीचको विवाद के हो?
