झापा-११ एफसीका मिडफिल्डर विशाल राई ‘ए’ लाई झापा गोल्डकप आयोजक समितिले लाइफटाइम अचिभमेन्ट अवार्ड प्रदान गरेको छ।
झापा गोल्डकप समितिका अध्यक्ष विनोद बस्नेतले उक्त घोषणा गरेका गरेका थिए। उनले सरप्राइज म्यासेज भन्दै विशाल राईलाई सम्मान गर्न लागेको बताएका थिए।
झापा ११ का खेलाडी विशाललाई सोमबार यामाहा कम्पनीको एक थान मोटरसाइकल प्रदान गरिएको छ। विशालले झापा ११ र सिक्किमबीचको खेलमा स्थान बनाएका थिए ।
यसअघि आयोजकले झापा ११ का पूर्वकप्तान प्रवेश कटुवाल र मिडफिल्डर नगेन्द्रमणि लिम्बूलाई पनि लाइफटाइम अचिभमेन्ट अवार्ड प्रदान गरिसकेको छ।
झापा ११ को कप्तानी सम्हालिरहेका विशाल राई ‘बी’ले सम्मान गर्ने परम्पराको प्रशंसा गर्दै खुसी व्यक्त गरे।
उनले ढिलै भए पनि आफू पनि झापा ११ को टिममा परेर कप्तानी सम्हाल्न पाउँदा हर्षित भएको भन्दै पछि खेलाडीलाई सम्मान गर्ने कार्यलाई निरन्तरता दिन आयोजकलाई आग्रह पनि गरे।
