एएफसी एसियन कप छनोट प्रतियोगिताका लागि नेपालको राष्ट्रिय फुटसल टिम घोषणा गरिएको छ।
नेपालका प्रमुख प्रशिक्षक गौरव बस्तेनले सोमबार १४ सदस्यीय टिम घोषणा गरेका हुन्।
नेपाली टिम किर्गिस्तानमा हुने छनोट प्रतियोगिताका लागि अहिले बन्द प्रशिक्षणमा छ।
छनोट प्रतियोगिता आगामी १ देखि १५ अप्रिलसम्म हुँदैछ।
छनोटमा नेपाल समूह ‘बी’ मा छ। समूहमा उज्वेकिस्तान, ताजकिस्तान, अफगानिस्तान र नेपाल छन्।
कुवेतमा आगामी सेप्टेम्बर अन्तिम सातादेखि हुने एसियन कप फुटसलमा १६ टिमले प्रतिस्पर्धा गर्नेछन्।
कुवेत आयोजकको हैसियतमा छनोट भइसकेको छ। अब समूहका शीर्ष टिम स्वत छनोट हुनेछ भने दोस्रो हुने टिमले प्लेअफ खेल्न पाउनेछ।
नेपाली टिम
अनिस श्रेष्ठ (गोलकिपर), विश्वास पौडेल (गोलकिपर), विजय श्रेष्ड, सरोज तामाङ, सुरज गुरुङ, अदिल हमिद, क्रिजल खड्का, मणीकुमार लामा, रोशन छन्त्याल, सुमीत श्रेष्ठ, उर्केन शेर्पा, हेमन्त गुरुङ, खिमराज गुरुङ, किशोर गुरुङ
