करिम बेन्जिमाले २ गोल गरेपछि स्पेनिस ला लिगा फुटबलमा शीर्ष स्थानको रियल मड्रिडले सेल्टा भिगोमाथि कठिन जित निकालेको छ।
लिग अन्तर्गत शनिबार राति भएको खेलमा करिम बेन्जिमाले पेनाल्टीमार्फत दुबै गोल गरेका हुन्।
खेलको १९ औं मिनेटमा गोल गर्दै पहिलो हाफमा १-० को अग्रता दिलाएका थिए। दोस्रो हाफको ५२ औं मिनेटमा नोलितोले गोल गर्दै खेललाई १-१ को बराबरीमा ल्याए।
त्यसपछि ६९ औँ मिनेटमा पुनः बेन्जिमाले पेनाल्टीमार्फत गोल गर्दै टोलीलाई अगाडि बढाए। त्यसअगाडि नै बेन्जेमाले टिमलाई अग्रता गर्ने मौका गुमाए। ६४ औं मिनेटमा पाएको पेनाल्टीसेल्टा भिगोका गोल किपरले बचाएका थिए।
त्यसपछि खेलमा गोल हुन सकेन र रियलले महत्वपूर्ण तीन अंक हात पार्यो।
यो जितपछि शीर्ष स्थानको रियल मड्रिडको ३० खेलबाट ६९ अंक भएको छ। उसले दोस्रो स्थानको सेभिल्लालाई १२ अंकले पछि पारेको छ। एक खेल कम खेलेको सेभिल्लाको २९ खेलबाट ५७ अंक भएको छ।
शनिबार राति नै भएको खेलमा एलाभेसलाई ४–१ ले पराजित गरेको एथ्लेटिको मड्रिड तेस्रो स्थानमा उक्लिएको छ। उसको ३० खेलबाट ५७ अंक भएको छ।
