एफए कपको उपाधिका लागि चेल्सी र लिभरपुलबीच प्रतिस्पर्धा हुने भएको छ।
आइतबार राति भएको दोस्रो सेमिफाइनलमा क्रिस्टल प्यालेसलाई २-० ले पराजित गर्दै चेल्सीले लिभरपुलसँग भेट पक्का गरेको हो।
चेल्सीको जितमा रुबेन लोफटसले ६५ मिनेटमा पहिलो गोल गरेका थिए।
७६ मिनेटमा मासन माउन्टले चेल्सीको अग्रता दोब्बर पारेका थिए।
चेल्सी लगातार तेस्रो पटक एएफ कपको फाइनलमा पुगेको हो।
पछिल्ला दुई संस्करणको फाइनलमा चेल्सीलाई आर्सनल र लेस्टरले पराजित गरेका थिए।
यसअघि शनिबार भएको पहिलो सेमिफाइनलमा लिभरपुलले म्यानचेस्टर सिटीलाई ३-२ ले पराजित गर्दै फाइनलमा स्थान पक्का गरेको थियो।
अब चेल्सी र लिभरपुलबीच आगामी १४ मेमा उपाधि भिडन्त हुनेछ।
