सहिद स्मारक सी डिभिजन लिगमा महावीर क्लब र आरसी-३२ ले विजयी सुरूवात गरेका छन्।
शुक्रबार एन्फा कम्प्लेक्समा भएको उद्घाटन खेलमा महावीरले स्पोर्ट्स एकेडेमी साँगालाई २-१ गोलले पराजित गर्दै सुखद् सुरूवात गर्न सफल भयो।
महावीरले पहिलो हाफमा १ गोलले पछि परेको स्थिति उल्टाउँदै दोस्रो हाफमा दुई गोल गरेको थियो।
यता नवप्रवेशी आरसी-३२ ले खालीबारी युथ फुटबल क्लबलाई १-० गोलले हराउँदै विजयी सुरुवात गर्न सफल भयो।
लिगमा १४ क्लबको सहभागिता रहेको छ। शीर्ष दुई टिम बी डिभिजनमा बढुवा हुनेछन् भने पुछारका दुई टिम रेलिगेसनमा पर्नेछन्।
