एसियन भलिबल कन्फडेरेसन (एभिसी) सेन्ट्रल जोन सिनियर पुरुष भलिबल प्रतियोगिताको समूह ‘ए’ को अन्तिम खेलमा पराजित भएसँगै घरेलु टिम नेपाल बाहिरिएको छ।
आज लगनखेलस्थित आर्मी स्पोर्ट्स कम्प्लेक्समा भएको खेलमा माल्दिभ्ससँग पराजित भएपछि नेपाल समूह चरणबाट बाहिरिएको हो।
नेपाललाई माल्दिभ्सले ३-० को सोझो सेटमा पराजित गरेको हो।
नेपाल पहिलो सेटमा २५/२२, दोस्रो सेटमा २५/ २१ र तेस्रो सेटमा २५/ १४ ले पराजित भयो।
त्यसअघि नेपाललाई किर्गिस्तानले ३-० को सोझो सेटमा हराएको थियो।
समूह ‘ए’ बाट किर्गिस्तान समूह विजेता र माल्दिभ्स उपविजेता बनेर सेमिफाइनलमा प्रवेश गरेका छन्।
सबै तस्बिरहरू : निशा भण्डारी/सेतोपाटी
