बंगलादेशको राजधानी ढाकामा भइरहेको प्रथम एशियन सेन्ट्रल जोन महिला भलिबल च्याम्पियनसिपमा नेपालले अपराजित रहँदै फाइनलमा पुगेको छ।
समूह चरणका सबै खेल जितेर फाइनलमा पुग्ने क्रममा नेपालले बुधबार माल्दिभ्सलाई ३-० को सोझो सेटमा पराजित गर्यो।
नेपालले २५-१४, २५-५ र २५-१३ को सोझो सेटमा माल्दिभ्सलाई पराजित गरेको हो।
यसअघि नेपालले आयोजक बंगलादेश, अफगानिस्तान र किर्गिस्तानलाई पनि सहज रुपमा पराजित गरेको थियो। ्
चार खेलमा १२ अंक जोडेको नेपाल शीर्ष स्थानमा रह्यो। दोस्रो स्थानको माल्दिभ्सको ८ अंक छ।
अब नेपाल र माल्दिभ्सबीच उपाधिका लागि बिहीबार पौने तीन बजे भिडन्त हुनेछ।
त्यसअघि आयोजक बंगलादेश र किर्गिस्तानबीच तेस्रो स्थानका लागि खेल हुनेछ।
नेपाल र माल्दिभ्सबीचको खेल :-
