टिपटप हेल्प नेपाल पाँचौ आरबिबी एनभिए कप राष्ट्रिय महिला तथा पुरुष क्लब लिग च्याम्पियनसिपमा पुरुषतर्फ शीर्ष स्थानमा यथावत रहेको छ। हेल्प नेपाल ४ खेलमा चारै खेल जित्दै १२ अंकका साथ शीर्ष स्थानमा रहेको हो।
सोमबार भएको खेलमा हेल्प नेपालले पुलिस क्लबलाई ३-० को सोझो सेटमा पराजित गर्यो। हेल्पले पुलिसलाई २५-२२, २५-१६ र २५-२० अंकले पराजित गरेको हो।
अर्को खेलमा त्रिभुवन आर्मीले एपिएफलाई २५-१५, २५ -१८ र २८-२६ ले पराजित गर्दै अंक तालिकामा एपिएफसँग अंक बराबर गरेको छ। एपिएफ र आर्मीको समान ९-९ अंक रहेको छ।
यस्तै ४ खेलबाट नेपाल पुलिसको ६ अंक र बुलबुलेको पनि ४ खेलबाट समान ६ अंक रहेको छ। मणिमुकुन्द र नयाँ बजारले कुनै अंक जोडेका छैनन्।
महिला तर्फको खेलमा आर्मी र नेपाल पुलिस समान ८-८ अंकका साथ शीर्षमा रहेका छन्।
आर्मी सोमबार भएको प्रतिस्पर्धामा एपिएफसँग पराजित भएता पनि अंकका आधारमा शीर्षमा रहेको हो।
एपिएफले आर्मीलाई १९-२५, २५-१०, २५-१७ र २५-२२ ले पराजित गरेको हो।
यस्तै अर्को खेलमा भरतपुर मेट्रोले पहिलो जित निकाल्दै अंक तालिकामा ३ अंक जोड्न सफल भयो। भरतपुरले ढोरपाटन स्पोर्टस् क्लबलाई २५-२१, २५-१२ र २५-१३ ले पराजित गरेको हो।
महिलातर्फ न्यू डायमण्डको ३ खेलबाट ७ अंक र एपिएफको ६ अंक रहेको छ। भक्तपुर मेट्रोले ३ अंक जोड्दा ढोरपाटन शून्यमा रहेका छ।
