एभिसी एसियन सेन्ट्रल जोन महिला तथा पुरूष भलिबल च्याम्पियनसिपमा नेपाली महिला टिमले विजथयी सुरुवात गरेको छ।
साविक विजेता नेपालले बिहीबार भएको खेलमा श्रीलंकालाई ३-२ को सेटमा पराजित गरेको हो।
नेपालले सुरूवाती दुई सेट गुमाउनुका बावजुद उत्कृष्ट पुनरागमन गर्दै उत्कृष्ट जित हात पारेको हो।
पहिलो सेट र दोस्रो सेट श्रीलंकाले २५-१९ र २५-२१ ले नेपालला ई हराएको थियो।
तेस्रो सेटमा नेपाल २५-१५ ले विजयी हुँदा चौथो खेलमा २५-१९ को जित निकाल्दै खेललाई बराबरीमा ल्यायो।
निर्णायक पाँचौ सेटमा नेपाल १५-१३ ले विजयी भयो।
नेपाली महिला टिमले भोलि दोस्रो खेलमा माल्दिभ्ससँग खेल्नेछ। पुरुष टिमले आज आयोजक बंगलादेशसँग भिड्नेछ।
