बुधबार दुबर्इबाट न्युयाेर्क अाएकाे इमिरेट्स एयरलाइन्सको फ्लाइट नम्बर २०३ का यात्रुहरु 'इन्फ्लन्जा'का कारणले बिरामी भएका हुन सक्ने अनुमान गरिएकाे छ। न्युयोर्क नगरकी कामु स्वास्थ आयुक्त डा. ओक्सिरिस बारबोटले सन्चारकर्मीहरूलाई साे कुराकाे जानकारी गराएकी हुन्।
'बुधवार बेलुका तीन यात्रु र ७ जना विमानका सदस्यहरुलाई श्वास प्रसावको परिक्षण गरिएको हुँदा तिनीहरुको परिक्षण रिपोर्ट प्राप्त भए पश्चात डाक्टरहरुले बिरामी हुनुका कारणबारे विस्तृत जानकारी अाउनेछ', आयुक्त डा. ओक्सिरिस बारबोटले थप जानकारी दिँदै भनिन्।
न्यूयोर्कको जोन एफ केनेडी विमानस्थलमा बुधवार अवतरण गरेको इमिरेट्सको अन्तर्राष्ट्रिय उडानमा सवार भएका १० यात्रुहरुलाई अस्पतालमा भर्ना गरी मुल्यांकन हुँदै गरेको र उनीहरुको श्वास प्रश्वासकाेसमेत परीक्षण भइरहेको अधिकारीहरुले जानकारी दिएका छन्।
विमानमा अाउँदा अाउँदै विमान चालक दलका सदस्य र यात्रु गरी करिब सयजना बिरामी परेका थिए। उनीहरूमा एक्कासी रूघाखाेकी र सामान्य ज्वराेकाे लक्षण देखिएकाे थियाे भने कतिले वान्तासमेत गरेका थिए।
विमानमा करिब पाँच सय यात्रु सवार थिए। त्यसमध्ये करिब सयमा मात्र यस्ताे लक्षण देखिएकाे थियाे। यात्रु तथा चालक दलका सदस्हरूले अाफूहरू बिरामी भएकाे महसुस भएपछि गुनासाे गरेका थिए। जाँचका क्रममा १९ यात्रु बिरामी ठहर्याउँदै उपचार प्रक्रियामा सामेल गराइएकाे थियाे। बाँकीलार्इ भने घर जान सक्ने सूचना दिइएकाे थियाे।
