अमेरिकामा रहेको भूटानीहरुको संस्था भनेर चिनिएको अर्गनाइजेसन अफ भुट्निज कम्युनिटिज इन अमेरिका (ओबीसीए) को सातौं राष्ट्रिय अधिवेशन अमेरिकाको नेब्रास्का राज्यको ओमाहा शहरमा हुने भएको छ। भुट्निज कम्युनिटिज इन नेब्रास्का (बीसीएन), मिड वेष्ट भुट्निज कम्युनिटिज, इफाकान्स इन्टरनेसनल फाइन आर्ट्सरफाउन्डेसन, ग्लोबल भुट्निज लिटरेरी अर्गनाइजेसन नेब्रास्का च्याप्टर, भुट्निज आर्टिस्ट्स अफ नेब्रास्का र अमेरिकन भुट्निज हुमन स्पोर्ट एशोसियसनलगायत संस्थाहरुको संयोजन र सहकार्यमा ओबीसीएले आफ्नो सातौ राष्टिय अधिवेशन जुलाई २८ देखि जुलाई ३० तारिकसम्म आयोजना गर्न जनाएको हो ।
अधिवेशन कार्यक्रम संचालन गर्नको निमित्त संस्थाका कोषाध्यक्ष आइत राईको प्रमुख संयोजनमा रहेको तीन सदस्यीय आयोजक मूल आयोजक समिति गठन गरिएको छ । समितिमा संस्थाका उपाध्यक्ष दिलिप दाहाल र बोर्ड अफ डाइरेक्टर जिदेन राई संयोजकको रुपमा रहेका छन् । यसैगरी आयोजक संस्था भुट्निज कम्युनिटिज इन नेब्रास्का (बीसीएन) का अध्यक्ष भीम गुरूङ र अमेरिकन भुट्निज हुमन स्पोर्ट एशोसियसनकी संयोजक बविता गुरूङको नेतृत्वमा १० सदस्यीय राज्य आयोजक समिति गठन गरिएको छ। सथापनाकालदेखि प्रय्तेक वर्ष आयोजाना हुँदै आएको अधिवेशन सन् २०१४ मा मात्र विशेष कारणले गर्दा आयोजाना हुन सकेको थिएन ।
सन् २०१० मा स्थापित ओबीसीएकले यसअघिका राष्ट्रिय सम्मेलनहरू सन् २०१० मा एटलान्टा, सन् २०११ मा नासभिल, सन् २०१२ मा फोनिक्स, सन् २०१३ मा डेन्भर, सन् २०१५ मा फोर्टवर्थ र सन् २०१६ मा सिनसिनाटीमा सम्पन्न गरेका थियो ।
अधिवेशन मार्फत ओबीसीएले अमेरिकाको विभिन्न राज्य र शहरमा रहेका भूटानीहरुलाई ध्यानमा राख्दै भूटानीहरु बसोबास गरिरहेका सम्पुर्ण राज्य र शहरका लागि प्रतिनिधि चयन गर्ने र ओबिसीएको नयाँ बोर्ड पनि गठन गर्ने जनाइएको छ । अधिवेशनको अवसरमा ओमाहामा इन्टरस्टेट भुट्निज वुमन सकर टुर्नामेन्ट पनि आयोजना गरिने बाताइएको छन् भने विभिन्न राज्यबाट कार्यक्रम सहभागी हुन आउने कलाकारहरुले संस्कृति अनि सांगीतिक प्रस्तुती पनि प्रस्तुत गर्ने जानकारी प्राप्त भएको छ।
अधिवेशन सफल बनाउन व्यस्ता रहेका ओबिसीएका अध्यक्ष डीबी राईसँग अधिवेशन र ओबिसीलाई छाता संगठन किन भनियो त भन्ने प्रश्न गर्दा अध्यक्ष राईले भने,’सअमेरिकामा रहेका भूटानीहरुको संस्थाले आफ्नो सातौ अधिवेशनको आयोजना गर्ने तयारीमा रहेको छ । बिगत वर्ष भन्दा फरक तरिकाले संस्थाको बाईलस परिमार्जन गर्दै संस्थालाई पुर्ण गति दिन हामी लागिपरिरहेको छौ ।
अमेरिकामा रहेका करिब ९० हजार भूटानीहरु माझ पुग्नको लागि हामीले यसपालीको अधिवेशनबाट विशेष विषय उठान गर्न खोजिरहेका छौ । हाम्रो संस्थालाई हामीले छाता संगठान कहिले पनि भनेको छैनौ, एक दुई जनाले भनेको हो भने त्यो अधिकारिक होइन तर, हाम्रो संस्था अमेरिकामा रहेका सम्पुर्ण भुटानीहरुको साझा संस्था चाहि पक्कै हो । राईले पुनस थपे,’ अमेरिकाको विभिन्न राज्यमा रहेको भूटानीहरुको संस्थाले राष्टिय रूपमा भूटानीको विषय उठान गर्न सक्दैनन् त्यसैले ओबिसिए मार्फत त्यस्तो विषय उठान भैरहेको छ । यस विषयमा साथ सहयोग अनि सल्लहा प्रदान गर्न सबैमा अनुरोध गर्दछु,’ ओबीसीएका अध्यक्ष डीबी राई र आयोजक संस्था भुट्निज कम्युनिटिज इन नेब्रास्का (बीसीएन) का अध्यक्ष भीम गुरूङले एक संयुक्त प्रेस विज्ञप्ति जारी गर्दै अधिवेशन सम्बन्धी सम्पुर्ण जानकारी गराउँदै अधिवेशनलाई सफल बनाउन सहयोग र सहकार्यका लागि सबैमा आव्हान गरेका छन् ।