विद्यालय तहको शैक्षिक सुधार गर्ने उद्देश्य सहित राजधानीमा एक दिने शैक्षिक सम्मेलन शुरू भएको छ ।
नेपालको कक्षा १२ सम्मको शिक्षालाई विश्वमा पहिचान गराउने मुल उद्देश्य सहित सम्मेलन गरिएको हो । माइण्ड नेपालले आइतबार काठमाडौंमा गरेको शैक्षिक सम्मेलनमा नेपालका झण्डै ८० विद्यालयका प्रतिनिधि सहभागी छन् । त्यसैगरी अमेरिकाको शैक्षिक सुधारका क्षेत्रमा काम गर्दे आएको एड्भान्स एडका प्रतिनिधि तथा शिक्षा विद्हरूको पनि सहभागिता रहेको छ ।
एडभान्स एडले विश्वका ७० वटा भन्दा बढी मुलुकमा विद्यालय तहको शैक्षिक सुधारको क्षेत्रमा काम गर्दै आएको छ । नेपालमा पनि एड्भान्स एडले १ सय बढी विद्यालयमा काम गर्ने इच्छा देखाएको छ ।
