कृषि क्षेत्रमा उल्लेख्य काम गर्ने कैलालीका तीन जना किसानलाई 'भीमदत्त उत्कृष्ट कृषक पुरस्कार' प्रदान गरिएको छ।
सुदूरपश्चिम प्रदेश सरकार, भूमि व्यवस्था कृषि तथा सहकारी मन्त्रालयअन्तर्गत कृषि विकास निर्देशनालयले उनीरूलाई पुरस्कृत गरेको हो।
पुरस्कृत हुनेहरूमा कैलालीको धनगढी उपमहानगरपालिका– ५ का रामकिसुन चौधरी, घोडाघोडी नगरपालिका –८ का पहलवान देउवा, लम्कीचुहा ९ का खड्क बहादुर महतो छन्।
कृषि विकास निर्देशनालयले बुधबार धनगढीमा एक कार्यक्रमको आयोजना गरेर उनीहरूलाई जनही २५ हजार रुपैयाँ र सम्मान–पत्रसहित पुरस्कृत गरेको हो।
सुदूरपश्चिम प्रदेश सरकारले कार्यविधि नै बनाएर किसानहरूलाई उक्त पुरस्कार प्रदान गरेको कृषि विकास निर्देशनालय दिपायल राजपुरका प्रमुख यज्ञराज जोशीले जानकारी दिए।
पुरस्कार पाउँदा काम गर्न थप ऊर्जा मिलेको सम्मानित किसानहरूले बताए।
