महिन्द्रा एण्ड महिन्द्राको प्रमुख आधिकारिक बिक्रेता अग्नि ग्रुपको ब्राण्ड एम्बेसडरमा पूर्व मिस नेपाल श्रृंखला खतिवडा नियुक्त भएकी छन् | काठमाडौँमा आज आयोजित एक कार्यक्रममा अग्नि ग्रुपका कार्यकारी निर्देशक अर्जुन शर्माले उक्त घोषणा गर्दै महिन्द्रा इ२० गाडीको चाबी खतिवडालाई प्रदान गरे।
अग्नि इन्कर्पोरेटेडको ब्राण्ड एम्बेसडरमा आफू आवद्ध हुन पाएकोमा पूर्व मिस नेपाल खतिवडाले हर्षित हुदै आफू निकै खुसी भएको बताइन्।
अग्नि इन्कर्पोरेटेडले बिगत तीन बर्षदेखी महिन्द्रा बोलेरो पिक-अप खरिद गरि उद्यम संचालन गर्दै आएका २५ जना बोलेरो पिक-अप ग्राहकहरुका एसइइ दिएर बसेका उत्कृष्ट २५ छोराछोरीहरुलाई जनही २५ हजार रुपैयाँका दरले पुरस्कार रकम तथा प्रशंसा पत्र कार्यकारी निर्देशक शर्मा र खतिवडाले संयुक्त रुपमा प्रदान गरेका थिए।
