नेपालको लागि महिन्द्रा गाडीको आधिकारिक बिक्रेता अग्नि ग्रुप अन्तर्गत बालाजू अटोवर्कसले मंसिर २ बाट महिन्द्रा फोर ह्वील गाडीहरुका लागि ‘महिन्द्रा केयर फेस्ट २०१९’ आयोजना गर्ने भएको छ।
यो कार्यक्रम ६ गतेसम्म नेपाल लगायत विभिन्न २५ देशमा आयोजना हुन लागेको कम्पनीले जनाएको छ।
यस कार्यक्रममा महिन्द्रा गाडीका दक्ष प्राविधिकहरुले गाडीको ६० जाँच गर्ने छन्।
यो केयर फेस्ट क्याम्पमा महिन्द्राले संसारभरका आफ्ना उपभोक्ताहरुलाई उनीहरुको परिवारका साथमा गाडीको हेरचाह गर्न प्रोत्साहन गर्नेछन्।
महिन्द्रा ग्लोबल केयर फेस्ट २०१९ मा निःशुल्क सर्भिसिङ, स्पेयरपार्ट्स, लुब्रिकेन्ट एवं एक्सेसरिजहरुमा १२ प्रतिशत छुट प्रदान गर्ने भएको छ।
साथै महिन्द्राको पुरानो गाडी जस्तै लोगन, क्वान्टो, जेनियो, जाइलो जस्ता गाडीमा छुटको व्यवस्था पनि मिलाएको छ। कम्पनीले ग्राहकहरुलाई हेल्थ क्याम्पको सुविधा तथा आकर्षक उपहार समेत प्रदान गर्ने भएको छ।
