प्रिमियम तथा हेभी इन्जिनको मोटरसाइकल बनाउने कम्पनी रोयल इन्फिल्डले भारतमा अर्को महिना नयाँ मोटरसाइकल बजारमा ल्याउने भएको छ।
कम्पनीले नोभेम्बरमा ६ तारिखमा ‘मेटियोर ३५०’ सार्वजनिक गर्न तयारी थालेको भारतीय सञ्चारमाध्यम जी-न्युजले जनाएको छ। यो नयाँ मोडलले थन्डर बर्ड ३५० मोडललाई प्रतिस्थापन गर्ने अनुमान गरिएको छ।
समाचारका अनुसार यो मोटरसाइकल ३५० सिसी, सिङ्गल सिलिन्डर, एयरकुल्ड इन्जिन हुनेछ। यसले उच्चतम २०.२ पिएस पावर र २७ एनएम टर्क जेनेरेट गर्ने बताइएको छ।
'रोयल इन्फिल्ड ‘मेटियोर ३५०’ फायर बल, स्टेलर र सुपर नोभा गरी ३ वटा ग्रेडमा उपलब्ध हुनेछ।
कम्पनीले यसको औपचारिक जानकारी नदिए पनि होण्डा एचनेस सिबी ३५०, जावा लगायतका मोटरसाइकलसँग सिधा प्रतिश्पर्धा हुने अनुमान गरिएको छ।
