१ सय २० किलोमिटर प्रतिघण्टा गुड्नसक्ने इलेक्ट्रिक दुइटा बाइक सार्वजनिक भएको छ। भारतको कविरा मोविलिटीले दुइटा हाइस्पिड मोटरसाइकल सार्वजनिक गरेको हो।
कम्पनीले केएम३००० र केएम४००० बजारमा ल्याएको भारतीय संचार माध्यम भास्करले लेखेको छ।
यो भारतमा निर्मित इलेक्ट्रिक मोटरसाइकलमध्ये सबैभन्दा धेरै रफ्तारमा गुड्ने कम्पनीको दावी छ।
केएम३०००का ४ किलोवाट आवरको ब्याट्री जडान गरिएको छ।
यो बाइकले इको मोडमा १२० किलोमिटर, सिटी मोडमा ९५ किलोमिटर र स्पोर्ट मोडमा ६० किलोमिटरसम्म माइलेज दिन्छ।
त्यस्तै केएम४०००मा ४.४किलोवाट आवरको ब्याट्री दिइएको छ भने ८ किलोवार्टको मोटर दिइएको छ।
यो बाइकले इको मोडमा १५० किलोमिटर, सिटी मोडका १ सय १० किलोमिटर र स्पोर्ट मोडमा ९० किलोमिटरसम्म माइलेज दिन्छ।
दुबै बाइकमा दुइटा चार्जिङ मोड दिइएको छ। इको मोडमा चार्ज गर्दा ६ घण्टा ३० मिनेट र बुस्ट चार्जरबाट दुइ घण्टामा फुल चार्ज गर्न सकिने कम्पनीले जनाएको छ।
स्पिड कन्ट्रोलको लागि दुवै बाइकमा डिस्क ब्रेक पनि दिइएको छ।
कम्पनीले फेब्रुअरी २० देखि यी मोटरसाइकल बिक्री सुरु गर्ने कम्पनीको भनाइ छ। पहिलो चरणमा यी बाइक दिल्ली, मुम्बई, अहमदावाद, बेङ्ग्लोर, हैदरावाद, पुणे, चेन्नाई, गोवा, र धारवाडबाट बिक्री हुनेछ।
कम्पनीले भरतीय बजारमा केएम३००० को मूल्य १ लाख २६ हजार र केएम४०००को मूल्य १ लाख ३६ हजार भारु निर्धारण गरेको छ।
भविष्यमा कम्पनीले बाइकको रेन्ज बढाउँदै लैजाने कम्पनीका सिईओ जयविर एस सिवाचले बताए।
