नेपालमा क्रसफायर बाइकको दुई मोडलको मूल्य बढेको छ। नेपालको लागि क्रसफायरको आधिकारिक विक्रेता क्लासिक ह्विल्स एक्सपोर्ट एन्ड इम्पोर्ट प्रालीले आइतबारदेखि लागू हुने गरी क्रसफायर आरएम २५० र क्रसफायर एचजे २५० को मूल्य बढाएको हो।
क्रसफायर आरएम २५० को मूल्य ६ लाख ९० हजारदेखि ७ लाख २५ हजार पुगेको छ। त्यस्तै एचजे २५० को मूल्य ६ लाख ४५ हजारदेखि ६ लाख ५५ हजार पुगेको छ।
कम्पनीले केही साताअघि मात्र बाइकको मूल्य बढ्ने बताएको थियो। आइतबारदेखि भने नयाँ मूल्य सूची जारी गरेको हो।
नेपालमा युवा पुस्तामाझ क्रसफायर लोकप्रिय बाइक बनेको छ। यसको आकर्षक डिजाइन, स्पोर्टी लुक्स, पावर र पर्फर्मेन्सका कारण पनि यो बाइक धेरैको रोजाइमा पर्दै आएको छ।
