केजी इन्टरकन्टिनेन्टल प्रा.लिले नेपाली बजारमा भित्र्याएको एसवाईएम कम्पनीको मोटरसाइकलको शोरुम बिहीबार उद्घाटन हुने भएको छ।
एसवाईएम बाइक भित्रिएसँगै कम्पनीले पहिलो शोरुम कमलपोखरीस्थित कृष्ण पाउरोटी चोकमा सञ्चालनमा ल्याउन लागेको हो। शोरुम बिहीबार भर्चुअल कार्यक्रम गरी उद्घाटन गर्न लागिएको जनरल म्यानेजर प्रमिला खत्रीले जानकारी दिइन्।
एसवाईएम ताइवानको उत्पादन हो। यो ब्राण्ड अन्तर्राष्ट्रिय बजारमा लोकप्रिय रहेको खत्रीले बताइन्। पहिलो चरणमा कम्पनीले एसवाईएम एनएचटी २०० बाइक नेपाली बजारमा भित्र्याएको छ। अन्य देशमा जस्तै यो मोटरसाइकल नेपाली बजारमा पनि लोकप्रिय हुने कम्पनीले विश्वास लिएको छ।
यो बाइक १८३ सिसीमा बजारमा उपलब्ध हुनेछ। एफआई इन्जिन, लिक्विड कुलिङ इन्जिन, सिट हाइट ८१० एमएम, फ्युल ट्याङक ११ लिटर लगायतका विशेषता यसमा छन्। यो बाइकमा फुल एलइडी लाइट छ। १२५ किमी पर आवर हाइस्पिड क्षमता छ। बाइकको माइलेज पनि राम्रो रहेको कम्पनीले जनाएको छ।
कमलपोखरीसँगै कम्पनीले चाबहिल, शंखुवासभा र इलाममा पनि शोरुम सञ्चालनमा ल्याउँदैछ। देशभर शोरुम विस्तार गरिने खत्रीले बताइन्।
पहिलो चरणमा टेष्ट ड्राइभ गर्न सकिने र बुकिङ गर्ने ग्राहकलाई छिट्टै बाइक उपलब्ध गराउने कम्पनीले जनाएको छ। यो बाइकको मूल्य नेपाली बजारमा ६ लाख रुपैयाँ तोकिएको छ। पहिलो सय जना ग्राहकले ५ लाख ४८ हजार ८ सय ८८ रुपैयाँमा बाइक खरिद गर्न सक्नेछन्।
रेड, ब्राउन, ब्लु र ब्ल्याक कलरमा बाइक उपलब्ध छ।
