निशानले एसयुभी निशान किक्समा भारी छुट प्रदान गर्दैछ। नेपालका लागि निसान गाडीको आधिकारिक वितरक पायोनियर मोटोकर्पका अनुसार क्रिसम र नयाँ वर्ष २०२२ को अवसरमा निशानको एसयुभी किक्समा छुट दिने बताएको हो।
कम्पनीले यही डिसेम्बर २६ तारिखदेखि जनवरी २ तारिख अर्थात् पुष ११ गतेदेखि पुष १८ गतेसम्मको अवधिमा निशान किक्स किन्ने ग्राहकहरूको लागि आकर्षक छुट एवम् अन्य सुविधाहरू प्रदान गर्दैछ।
कम्पनीले उक्त अबधिभर गाडी किन्ने ग्राहकहरूलाई २ लाख ५० हजारको नगद छुट, एक वर्षको निःशुल्क इन्स्योरेन्स एक वर्षको निःशुल्क रोड कर, ३ वर्षको निःशुल्क सर्भिसिङ, ३ वर्षको निःशुल्क वारेन्टी र लोयल्टी बोनस सुविधा दिने बताएको छ।
त्यस्तै कम्पनीले गाडीको टेस्ट ड्राइभ सुविधा पनि दिनेछ। आकर्षक गिफ्ट ह्यामपरमा ग्राहकले रेडमीको १० प्राइम मोबाइल जित्ने अवसर प्राप्त गर्न सक्छन्।
पायोनियर मोटोकर्पका अनुसार गाडीको गुणस्तर, लुक्स, मूल्य, पर्फमेन्स र कम्पनीको बिक्री पछिको सेवालगायतका कारणले किक्स ग्राहकको रोजाइमा परेको छ।
पेट्रोल र डिजेल दुवै इन्जिनमा उपलब्ध किक्स पेट्रोलमा १४ सय ९८ सिसी र डिजेलमा १४ सय ६१ सिसीमा उपलब्ध छ। पेट्रोल इन्जिनको किक्स ५ स्पिड म्यानुअल ट्रान्समिसन र डिजेल इन्जिनको किक्स ६ स्पिड म्यानुअल ट्रान्समिसनमा उपलब्ध छ।
निशान किक्समा २१० एमएम ग्राउन्ड क्लेरेन्स छ। जसले गर्दा पनि गाडीलाई नेपाली बाटोको लागि उपयुक्त बनाएको छ। गाडीको भित्री र बाहिरी डिजाइनिङ निकै सानदार छ भने चालह र यात्रुको लागि समेत गाडीमा बस्न सहज हुने कम्पनीको दाबी छ।
निशान किक्स सेतो, ग्रे, रातो, कलोलगायत विभिन्न ९ रंगमा उपलब्ध छ। कम्पनीले यो गाडीको सुरुआती मूल्य ५९ लाख ९९ हजार तोकेको छ।
