टाटा मोटर्स नेपालको एक मात्र अधिकृत विक्रेता सिप्रदी ट्रेडिङ प्रालि र टाटा मोटर्सले संयुक्त रुपमा बम्पर लक्की ड्रको विजेता घोषणा कार्यक्रम सम्पन्न गरेको छ।
कम्पनीले सोमबार 'आशा र उमंग बाडौं, मनाउँ खुशीयाली। यो दशैं र तिहारमा टाटा किन्दा जाँदैन हात खाली' भन्दै आयोजना गरेको टाटा मोटर्स दशैं एन्ड तिहार अफरअन्तर्गतको बम्पर लक्की ड्रको विजेता घोषणा कार्यक्रम सम्पन्न गरेको हो।
टाटा मोटर्स ट्रक एन्ड बसेस् नेपालको आधिकारिक फेसबुक पेजमार्फत लाइभ लक्की ड्र कार्यक्रम गरि विजेता कार्यक्रम सम्पन्न गरिएको कम्पनीले जनाएको छ। देशभरबाट उल्लेखनीय सहभागिता रहेको यस योजनामा काठमाडौं र पोखराबाट १४ जना, इटहरीबाट ५ जना, हेटौंडाबाट १४ जना, बुटवलबाट ५ जना र नेपालगन्जबाट ५ जना गरि कुल ४३ जना ग्राहकहरूलाई लक्की ड्रमार्फत भाग्यशाली विजेता घोषणा गर्दै बम्पर उपहार अन्तर्गतको विभिन्न आकर्षक उपहारहरु प्रदान गरिएको छ।
विजेताहरू मध्ये सामसुङ ट्याब एस सेभेन एफ ई ११ जनालाई, एल जी डबल डोर फ्रिज ११ जनालाई, ८ केजी वासिङ्ग मेसिन ७ जनालाई, सामसुङ ग्यालेक्सी फ्लिप थ्री मोबाइल ७ जनालाई र एमआई ६५ इन्च फोर के टिभी ७ जनालाई प्रदान गरिएको छ। विजेताहरूलाई बधाई एवम् योजनामा सहभागीहरूलाई धन्यवाद दिदैँ सिप्रदी ट्रेडिङ प्रालिका सिइओ राजन बाबु श्रेष्ठज्यू योजनामा ग्राहकहरूको उल्लेखनीय सहभागिता कम्पनीलाई हर्षित बनाएको बताए।
साथै, आगामी दिनहरूमा टाटा मोटर्ससँग सहकार्य गर्दै सिप्रदी ट्रेडिङ प्रालिले विभिन्न सुविधा सहितको ग्राहकमुखी योजनाहरू सार्वजनिक गर्नेमा प्रतिबद्धता जनाए।
