बिहीबार सुनचाँदीको मूल्य बढेको छ। सुन तोलामा ३ सय तथा चाँदी १५ रुपैयाँले बढेको नेपाल सुनचाँदी व्यवसायी महासंघले जनाएको छ।
महासंघका अनुसार अघिल्लो दिन प्रतितोला ५५ हजार २ सय रुपैयाँमा कारोबार भएको सुन आज ५५ हजार ५ सय रुपैयाँ पुगेको छ। त्यस्तै ७५० मा कारोबार भएको चाँदी ७६५ पुगेको छ।
विगत एक वर्षको अवधिमा सुनको मूल्य उच्चतम ५७ हजार ८ सय रुपैयाँसम्म पुगेको छ भने न्युनतम ५२ हजार ८ सय रुपैयाँसम्म झरेको छ। त्यस्तै चाँदीको मूल्य उच्चतम ८३५ तथा न्यूनतम ७०५ सम्म कारोबार भएको छ।
