सोमबार सुनको मूल्य स्थिर रहेको छ। आइतबार प्रतितोला ५ सयले घटेर ७१ हजारमा झरेको सुनको मूल्य सोमबार भने कुनै परिवर्तन भएको छैन।
शुक्रबार नयाँ कीर्तिमान कायम गर्दै सुनको मूल्य ७१ हजार ५ सय पुगेको थियो। यो नेपाली बजारमा कायम भएको सबैभन्दा उच्च मूल्य हो। यस्तै, तेजावी सुनको मुल्य पनि ७० हजार ७ सयमै स्थिर रहेको छ।
पछिल्लो समय भारतीय रुपैयाँ कमजोर हुनु, अन्तराष्ट्रिय रुपमा सुनको मूल्य बढ्नु तथा अमेरिकाको केन्द्रीय बैंकले व्याजदर घटाउनु जस्ता कारणले गर्दा सुनको मूल्य लगातार उकालो लागेको थियो ।
यस्तै चाँदीको मूल्य भने ८ सय ३० रुपैयाँ प्रतितोलामा कारोबार भएको छ। आइतबार पनि एक तोला चाँदीको मूल्य ८ सय ३० रुपैयाँ थियो।
