सोमबारको तुलनामा मंगलबार सुनको मूल्य स्थिर भए पनि चाँदीको मूल्य घटेको छ ।
पछिल्लो समय लगातार बढिरहेको सुनको मूल्य आइतबारदेखि प्रतितोला ७१ हजारमा स्थिर छ । शुक्रबार ७१ हजार ५ सय पुगेको प्रतितोला सुनको मूल्य आइतबार पाँच सय घटेको थियो । शुक्रबार सुनको मूल्यले कीर्तिमान कायम गरेको थियो ।
तेजावी सुनको मूल्य पनि ७० हजार ७ सयमा स्थिर छ ।
अन्तर्राष्ट्रिय बजारमा भने पछिल्लो केही दिन देखि सुनको मूल्य लगातार घटिरहेको छ । आइतबार अन्तर्राष्ट्रिय बजारमा प्रतिऔंस १५१२ अमेरिकी डलर पुगेको सुनको मूल्य हिजो १५ सयको आसपासमा थियो । आज भने सुनको मूल्य घटेर प्रतिऔंस १४९६ को नजिक पुगेको छ ।
तर, मंगलबार चाँदीको मूल्य भने घटेको छ ।
आइतबार देखि ८ सय ३० रुपैयाँमा स्थिर रहेको प्रतितोला चाँदी मंगलबार भने ५ रुपैयाँले घटेर पतितोला ८ सय २५ पुगेको छ । चाँदीको मूल्य शुक्रबार ८ सय ४० पुगेको थियो ।
