सुनको मूल्य फेरि बढेको छ । आइतबार देखि ७१ हजारमा स्थिर रहेको सुनको मूल्य बुधबार प्रतितोला ३ सयले बढेको हो । आज नेपाली बजारमा प्रतितोला ७१ हजार ३ सयमा कारोबार हुने सुनचाँदी व्यवसायी राष्ट्रिय महासंघले जनाएको छ ।
यसअघि शुक्रबार सुनले अहिलेसम्मैकै किर्तिमानी मूल्य प्रतितोला ७१ हजार ५ सय बनाएको थियो ।
यस्तै तेजावी सुनको पनि मुल्य पनि बढेर ७१ हजार पुगेको छ । यसअघि तेजावी सुनको मूल्य प्रतितोला ७० हजार ७ सय थियो ।
बुधबार चाँदीको मूल्य पनि बढेको छ । मंगलबार एक तोलामा ५ रुपैयाँले घटेको चादीको मूल्य आज पुनः ५ रुपैयाँले बढेर प्रतितोला ८ सय ३० पुगेको छ । पछिल्ले समय अन्तराष्ट्रिय बजारमा पनि सुनको मूल्य बढीरहेको छ । आज प्रतिऔंस १५ सय २ अमेरिकी डलरमा अन्तर्राष्ट्रिय बजारमा सुनको कारोबार भइरहेको छ ।
