पछिल्लो समय निकै उतार चढावमा रहेको सुनको मूल्य तिनदिन यता स्थिर रहेको छ। गत आइतबार एकै दिन ११ सयले बढेर प्रतितोला ७१ हजार ३ सय पुगेको सुनको मूल्य त्यसपछि भने स्थिर रहेको हो।
यस्तै छापावाला सुनको मूल्य पनि ७१ हजारमा स्थिर रहेको सुनचाँदी व्यवसायी महासंघले जनाएको छ। तर, चाँदीको मूल्य भने बढेको छ।
आइतबार ८ सय ६५ प्रतितोला रहेको चाँदी मंगलबार ५ रुपैयाँ बढेर तोलाको ८ सय ७० पुगेको हो।
पछिल्लो समय अमेरिका र चीन बीचको व्यापार युद्धमा वार्ताको वातावरण बनेपछि सुनको मूल्य घट्ने संकेत देखिएको थियो ।
