प्रतितोला सुनको मूल्य ७० हजारमा झरेको छ। दशैंको मुखमा सुनको भाउ घटेको हो।
सुनचाँदी व्यावसायी महासंघले सोमबारको लागि सुनको मूल्य घटेको जनाएको छ।
आइतबार प्रतितोला ७० हजार २ सय रहेको सुनको मूल्य आज २ सय रुपैयाँ घटेको छ। यस्तै, सोमबारको लागि तेजावी सुनको मूल्य ६९ हजार ७ सय निर्धारण गरिएको छ ।
आज चाँदीको मूल्य पनि घटेको छ। आज चाँदीको मूल्य प्रतितोला ५ रुपैयाँले घटेर ८ सय ४० पुगेको छ।
अन्तर्राष्ट्रिय बजारमा सुनको भाउ घटेपछि नेपाली बजारमा पनि ओरालो लागेको छ। अहिले अन्तर्राष्ट्रिय बजारमा प्रतिऔंस सुनको मूल्य १४ सय ९३ अमेरिकी डलर पुगेको छ।
